Reacción acido-base

Svante Arrhenius.

Una reacción acido-base ye una reacción quimica que ocurre entre un acido y una base.

Partindo d'o concepto d'o pH, una especie quimica ye acido cuan tien un pH < 7 y ye base cuan tien un pH > 7. Si tien pH = 7, ye neutra. Acidos y bases reaccionan fendo reaccions de trasferencia de protons:

$HCl+NaOH\to NaCl+H_{2}O$

acido⁺ + base⁻ → sal + augua

Bi ha tres teorías que explanican per qué una especie quimica ye acido u base: a teoría d'Arrhenius, a teoría de Brönsted y Lowry y a teoría de Lewis.

Teoría d'Arrhenius

Pa Svante Arrhenius acido ye a substancia que en disolución acuosa desprene ions $H^{+}$, ye decir, un proton. Como istos son en augua, i reaccionan amanexendo ions hidronio/oxonio ($H_3{O}^{+}$)

$HCl+H_{2}O\to H_3{O}^{+}+C{l}^{-}$

Una base ye aquera substancia que en disolución acuosa desprene ions $O{H}^{-}$

$NaOH+H_{2}O\to N{a}^{+}+O{H}^{-}$

Cuan un acido y una base reaccionan en proporción adecuata, os ions $H_3{O}^{+}$ lo fan con los $O{H}^{-}$, apareixendo augua. Os atros ions forman una sal (reacción primera)

Ista teoría tien muitas limitacions porque Arrhenius diz que l'augua nomás ye o medio d'a reacción y no creye que os ions puedan estar acidos u bases. Nomás as substancias quimicas pueden estar-ne.

Teoría de Brönsted y Lowry

Acido ye aquera especie quimica que puet ceder protons a una base y base ye aquera especie quimica que puet acceptar os protons d'un acido. Ista ye a teoría protonica.

$HA+B\to B{H}^{+}+A^{-}$

Apareixe o concepto de "par acido/base conchugato", dos especies quimicas esferenciatas en un proton: HA/$A^{-}$ y $B{H}^{+}/B$

Pa que una especie siga acido ha d'estar enfrentata a una base y lo contrario. Asinas bi ha especies que pueden estar acidos u bases seguntes con que s'encaren. Istas se dicen anfoteras. Por eixemplo $H_{2}O$

$HCl+H_{2}O\to H_3{O}^{+}+C{l}^{-}$

acido + base

$NaOH+H_{2}O\to N{a}^{+}+O{H}^{-}$

base + acido

Veyemos tamién como tanto HCl como NaOH son un acido y una base fuertes respectivament. Son disociatos de tot. Pero si fuesen febles apareixería un equilibrio quimico:

Acido: $C{H}_{3}COOH+H_{2}O⟷C{H}_{3}CO{O}^{-}+H_3{O}^{+}$

Base: $N{H}_3+H_{2}O⟷N{H}_4^{+}+O{H}^{-}$

Como tot equilibrio tien a suya constant:

$Ka=\frac{[C{H}_{3}CO{O}^{-}][H_3{O}^{+}]}{[C{H}_{3}COOH]}$

$Kb=\frac{[N{H}_4^{+}][O{H}^{-}]}{[N{H}_3]}$

Pa ista teoría l'augua no ye o medio d'a reacción, ye a parte activa y os ions pueden estar tamién acidos u bases: $N{H}_4^{+}+H_{2}O⟷N{H}_3+H_3{O}^{+}$

Teoría de Lewis

Seguntes a teoría de Lewis as substancias que pueden ceder pars d'electrons son bases de Lewis y las que en pueden acceptar son acidos de Lewis.