Onda (fisica)

Iste articlo tracta sobre as ondas en fisica. Ta atros usos se veiga Onda (desambigación)

Ondas propagatas en l'augua.

Onda estacionaria formata por a interferencia entre una onda (azul) que avanza enta a dreita y una onda (roya) que avanza enta a ezquierda.

En Fisica, una onda (d'o latín < UNDA)Plantilla:DORTO ye una propagación d'una perturbación de bella propiedat d'un medio, por eixemplo, densidat, presión, campo electrico u campo magnetico, que se propaga a traviés d'o espacio transportando enerchía. O medio perturbato puet estar de naturaleza diversa como aire, augua, un troz de metal u o vueito.

A propiedat d'o medio en la que s'observa a particularidat s'expresa como una función tanto d'a posición como d'o tiempo $\psi (\overrightarrow{r},t)$. Matematicament se diz que dita función ye una onda si verifica a ecuación d'ondas:

${\mathrm{\nabla }}^2\psi (\overrightarrow{r},t)=\frac{1}{v^2}\frac{{\partial }^2\psi }{\partial t^2}(\overrightarrow{r},t)$

a on que v ye a velocidat de propagación d'a onda. Por eixemplo, bellas perturbacions d'a presión d'un medio, ditas sonito, verifican a ecuación anterior, encara que bellas ecuacions no lineals tamién tienen solucions ondulatorias, por eixemplo, un solitón.