Cerclo

Cerclo.

Un sector y un segmento circular son partis d'un cerclo. Un arco ye parti d'una circumferencia.

Un cerclo ye o puesto cheometrico d'o plan que incluye os puntos que son situatos a una distancia inferior d'a longaria d'un segmento determinato dito radio respecto d'un punto fixo determinato clamato centro. Dito d'una atra manera, ye l'aria d'o plan amugata por una circumferencia.

Si paramos cuenta que se puet considerar un cerclo como un poligono regular d'infinitos costatos l'apotema d'o cual ye o radio d'o cerclo, y o perimetro a circumferencia, y como l'aria d'un poligono regular ye igual a la metat d'o producto d'o suyo perimetro por a suya apotema:

$A=\frac{P\cdot ap}{2}$

si sustituyimos P por a formula d'a circumferencia (2·π·R) y ap por o radio R tenemos

$A=\frac{2\cdot \pi \cdot R\cdot R}{2}$

y por tanto, una vegata simplificata a expresión, tenemos que l'aria A d'un cerclo de radio R ye

$A=\pi \cdot R^2$

Simbolochia

O cerclo s'asocia a o sol dende os echipcianos (por ixo ye present en a bandera de Chapón). En alquimia y astrolochía o cerclo leva un punto en meyo y en a tradición bedica, una cruz (os cuatro brazos son as estacions de l'anyo). Iste zaguer simbolo ye relacionato con a esvastica.

En o cristianismo se considera a fegura perfecta y por ixo ye o simbolo de Dios, porque no se puet localizar en o cerclo ni prencipio ni fin, como pasa con a eternidat, un d'os atributos divinos por excelencia.