Veyer o codigo fuent de «Inductor»

{{Grafía EFA}}
{{Articlo 1000|-10}}
[[Imachen:Electronic component inductors.jpg|thumb|Inductors corrients.]]
Un '''inductor''' ye un [[component electronico]] pasivo d'os [[circuito electrico|circuitos electricos]] que, debito a lo [[fenomeno]] de l'[[Indución electromagnetica|autoinducción]], almadacena [[enerchía]] en forma de [[campo magnetico]] creyato por o paso d'a [[corrient electrica]]. Iste component tamién gosa decir-se '''bobina''' u '''inductancia'''. A capacidat d'un inductor d'almadacenar enerchía se mide por a suya [[inductancia]] que s'exprisa en [[Henry (unidat)|henry]]s (simbolizato por ''H''), una [[Unidaz derivatas d'o SI|unidat derivata]] d'o [[Sistema Internacional d'unidaz]].

En a [[teoría de circuitos]] un ''inductor ideyal'' tenerba inductancia pero no pas [[Resistencia electrica (propiedat)|resistencia]] ni tampoco no [[capacitancia]], por ixo no disiparba enerchía. En iste component ideyal tota la enerchía electrica absorbita sería almadacenata en forma de campo magnetico. Pero os inductors reals, que son fabricatos con un arrulamiento de filo conductor, son equivalents a una combinación d'inductancia, bella resistencia debita a la [[resistividat]] d'o filo, y bella capacitancia. En bella frecuencia, un inductor real se comporta como un [[circuito resonant]] debito a la [[Capacitancia|capacitancia parasita]]. A mas de disipar enerchía por a resistencia electrica d'o filo conductor, o nuclio d'os inductors tamién la pueden disipar debito a la [[histeresi]] y con grans corrients tamién se pueden producir perdas d'enerchía a causa d'a no [[circuito linial|linialidat]] d'os circuitos.

== Construcción ==
Un inductor ye formato normalment por una bobina de material [[conductor electrico|conductor]], tipicament cordón de [[cobre]]. Bi ha inductors con [[Nuclio magnetico|nuclio]] d'aire u con nuclio d'un material ferroso, ta incrementar a suya [[inductancia]]. As bobinas tipicas son formatas por [[espira]]s, feitas de [[filo esmaltato]], y gosan embolicar un nuclio de [[material ferromagnetico]]. En os [[motor electrico|motors electricos]] son mesas adintro d'as [[ranura]]s.

Os inductors pueden estar tamién construitos en [[circuito integrato|circuitos integratos]], usando lo mesmo proceso emplegato ta realizar [[microprocesador]]s. En istos casos s'emplega, a sobén, l'[[aluminio]] como material conductor. Manimenos, ye raro que se metan inductors adintro d'os circuitos integratos; ye muito mas practico emplegar un circuito dito "chirador" que, por meyo d'un [[amplificador operacional]], fa que un [[condensador]] se comporte com si fuese un inductor.

A vegatas se pueden construir chicoz inductors ta [[frecuencia]]s muit altas con un conductor que pase a traviés d'un cilindro de [[Ferrita (imant)|ferrita]] u granulato.

==O inductor en os circuitos electricos==
Os inductors s'oposan en os cambios a la corrient electrica, un inductor ideyal no oposarba denguna resistencia a una [[corrient contina]] constante, manimenos nomás os inductors [[Supercondutibidat|superconductors]] tenerban en [[realidat]] una resistencia nula.

En cheneral, a relación entre a variación d'o voltache en o tiempo ''v''(''t'') a traviés d'un inductor con una inductancia ''L'' y una variación d'a corrient que i pasa a lo largo d'o tiempo ''i''(''t'') se describe por meyo d'una [[ecuación diferencial]]:

:<math>v(t) = L \frac{di(t)}{dt}</math>

a on que ''v'' ye o voltache,''di(t)/dt'' ye a [[derivata]] d'a corrient e ''L'' ye a ''inductancia'' en henrys.

As bobinas en as [[maquina electrica|maquinas electricas]] puede ir tanto en o [[rotor]] como en o [[estator]] y conforman o circuito electrico d'a maquina. Seguntes como se quiera que treballe o motor, as bobinas se pueden posar de dos maneras: En o polos (salita con salita, dentrata con dentrata, salita con salita…) u en os polos consecuents (salita con dentrata, salita con dentrata, salita con dentrata…). Tamién se pueden meter en series paralelas en as que cal mantener as espiras connectatas a lo rete electrico.

== Vinclos externos ==
{{commonscat|Inductors|os Inductors}}

{{Control d'autoridaz}}

[[Categoría:Components electronicos]]